Tiô pơkâ pêi troh hơnăm 2050, kong pơlê Gia Lai cho Kơpong kân rơdâ ai hên kuăn kiâ kong ƀă kong kế lĕm, Pơtâp châ chăn ƀă Ivá’’, tíu troh ai hên kuăn kiâ kong ƀă kong kế lĕm, phá tơ-ê ƀă phá tơviah, cho kơpong tơnêi ngiât, pêng păm khôi túa lĕm tro tiô troăng chiâng tơdroăng ki vâ tiô ƀối dêi môi tơdroăng cheăng kâ mơnhông krá tơniăn.

Tiô pơkâ pêi, pơkâ pêi troh hơnăm 2030, kong pơlê Gia Lai mơnhông mơdêk rĕng, châ tơƀrê ƀă krá tơniăn. Mơdêk ki dâi lĕm tơtêk, tơmiât troh tơtêk ngiât lĕm, chiâng tíu xiâm dêi kơpong Peăng kơnhŏng Tây Nguyên ƀă kơpong ki mơhnhôk pái víu mơnhông Việt Nam - Lếo – Kul. Xông tơpui hnê mơhno a Hneăng hôp, Ngế pro xiâm phŏ hnê ngăn tơnêi têa Trần Hồng Hà mơnhên, Gia Lai ai tíu ki kal, kong prâi tơniăn lĕm, hên tơmeăm ki mơnhông, ai khôi túa lĕm tro hên hĭn.

Pơkâ pêi pro kong pơlê Gia Lai cho môi troăng prôk ki nhên troăng hơlâ kân dêi Khu xiâm kal kí tơmiât troh pơkâ pêi plah mơnhông Gia Lai chiâng kong pơlê ki vâ tiô ƀối ‘na mơnhông cheăng kâ krúa lĕm kong prâi, krá tơniăn, pêng păm khôi túa lĕm tro.