Tiô Ngế pro xiâm hnê ngăn tơnêi têa, nôkố, lâp tơnêi têa ai 34 tơdroăng tơkêa bro ki kân, 86 tơdroăng tơkêa bro kŭn ki kal tơnêi têa, ki xiâm kơvâ Troăng klông ƀă rơxế kơtâu a 46 kong pơlê, pơlê kong kơdrâm ối tung Tơnêi têa. Tung mê ai 5 tơdroăng tơkêa bro troăng rơxế lơtreng, 2 tơdroăng tơkêa bro troăng tơƀai, ki ê cho mâu tơdroăng tơkêa bro troăng chêng, ki hên cho troăng ăm phêp rơxế kơtâu têi ƀă troăng pa kĭng kơpong pơlê kong xiâm Hà Nội, troăng pakĭng pơlê kong kân Hồ Chí Minh.

Klêi kơ’nâi 9 roh hôp, Khu hnê mơhno ai tơ’nôm hên túa ki rơkê tơtro, mâu tơmeăm, tơdroăng tơkêa bro châ pêi pro lĕm tro, Ngế pro xiâm hnê ngăn tơnêi têa hiăng tối nhên 6 tơdroăng kal tâ vâ pêi pro tung la ngiâ, mê cho: hiâm mơno pôu râng hnoăng cheăng dêi mâu khu xiâm, mâu kơvâ cheăng, mâu kong pơlê cho thế hên tâ, châ tơƀrê tâ; tơdroăng pêi pro teăm tơdrêng tâ; ki dâi lĕm mâu tơdroăng tơkêa bro tơmeăm khoăng thế lĕm tâ; inhên lĕm kŏng ngê̆ dâi tâ tơtro tâ ƀă tơdroăng nôkố. Má pơtăm cho mâu kong pơlê thế tơleăng mâu tơdroăng tơdjâk troh tăng tơnêi; mơgrúa kong prâi, rak tơniăn ăm kuăn pơlê.