Tơpui tơno ‘na tơdroăng “Mâu khu mơdró ASEAN rơtế tơrŭm, mơdêk ƀă krá tơniăn: Tăng ‘nâi plĕng rôh pêi cheăng ƀă kơxô̆”. A rôh tơpui tơno, Kăn pơkuâ mâu Khu mơdró ASEAN, Kăn xiâm hnê ngăn ASEAN ƀă mâu kong têa tơrŭm tơpui tơno hên ‘na rôh ki tơ’lêi, pơloăng mơnúa tung tơrŭm cheăng kâ kơxô̆ dêi ASEAN; troăng rơhlâ mơnhông tơrŭm pơla ASEAN  ƀă mâu khu tơrŭm cheăng tung mơnhông cheăng kâ kơxô̆; mơhnhôk thế rak nhâ loăng kuăn kiâ ‘na cheăng kâ kơxô̆ ASEAN; troăng rơhlâ mơdêk tơrŭm pơla ASEAN ƀă khu tơrŭm tung mơnhông cheăng kâ kơxô̆; pơkâ mơnhông tê mơdró điê̆n tưh a ASEAN nôkố; mơnhông mơdêk tê mơdró trếo ki chiâng hrik hyôh xup xo mơ’no a kơpong ASEAN nôkố.

Tơdrêng amê mâu kăn xuân tơpui ‘na xúa tuăn ngôa rơkê (AI) tung rak ngăn khu mơdró ƀă pâ tơrŭm cheăng ƀă mâu kong têa ASEAN; pơ’lêh kơxô̆ tung kơvâ ‘na tơdroăng nếo ai; tơrŭm tăng hnê mơngế pêi cheăng kơxô̆ ki tơƀrê; ‘mâi hơ’lêh hyôh kong prâi ‘no liăn cheăng tơ’mot ‘no liăn cheăng ƀă kơmăi ki dâi lĕm...