A cheăm Si Pa Thìn, tơring Nậm Pồ ƀă pơlê kân Mường Chà, tơring Mường Chà, Ngế pro xiâm phŏ hnê ngăn Chin phuh Lê Minh Khái rơtế khu râ kăn pêi cheăng dêi Chin phuh hiăng diâp 240 kơxuô tơmeăm Têt, ƀă tâi tâng kơnâ vâ chê 300 rơtuh liăn ăm mâu rơpŏng kơtiê, rơpŏng ai hnoăng tơnêi têa, kăn ƀô̆, mơngế pơkuâ, mơngế pêi cheăng ai tơdroăng rêh ối pá puât.

Ngế pro xiâm phŏ hnê ngăn tơnêi têa xuân hiăng krâ chư  a hngêi Rŭm tuăn ăm rơpŏng pôa Giàng A Lồng, ối a pơlê Chế Nhù, cheăm Si Pa Thìn, tơring Nậm Pồ ƀă pôa Lý A Nỏ, pơlê Huổi Chim, cheăm Ma Thì Hồ, tơring Mường Chà. Kố pơrá cho rơpŏng kơtiê dêi kong pơlê Điện Biên, châ tŏng kum 50 rơtuh liăn vâ pro hngêi tiô Tơdroăng tơkêa bro 09 dêi Vi ƀan xiâm Măt trâ̆n Tơnêi têa Việt Nam ‘na tơdroăng mơhnhôk tŏng kum pro hngêi Rŭm môi tuăn ăm rơpŏng kơtiê kong pơlê Điện Biên tơmiât troh leh tơbâ 70 hơnăm ƀlêi trâng Điện Biên Phủ.