A tíu ki bro, Ngế pro xiâm phŏ hnê ngăn tơnêi têa Trần Hồng Hà tơmâng xo ivá mơ-eăm, hnoăng cheăng pôu râng, mơ-eăm ƀă mâu tơdroăng ki hiăng pêi pro klêi dêi mâu khu xiâm, kơvâ cheăng, kơ koan, ngế ki ‘no liăn bro, khu pơkuâ ngăn tơdroăng tơkêa, khu ki xo pêi tơdroăng tơkêa ƀă khu kăn ƀô̆, kŏng nhân, ngế pêi cheăng tung tơbleăng mâu tơdroăng tơkêa.

Ngế pro xiâm phŏ hnê ngăn tơnêi têa pơkâ thế mâu kong pơlê, khu ki ‘no liăn bro, tíu pêi cheăng bro, tiâ mơnhên tơdroăng ƀă hên ki ê pơtối tơbleăng kơtăng, tơƀrê mâu tơdroăng hnê mơhno dêi Ngế pro xiâm hnê ngăn Chin phuh ƀă mâu tơdroăng tơkêa bro troăng kân Diễn Châu – Bãi Vọt ƀă troăng kơxái 500 kV Quảng Trạch – Quỳnh Lưu rak tơniăn, dâi.

Tiô tối hdrối klêi kơ’nâi lăm ngăn a tíu ki bro, Ngế pro xiâm phŏ hnê ngăn tơnêi têa kô pơkuâ po rôh hôp ƀă mâu khu xiâm kơvâ cheăng kơ koan, tíu pêi cheăng, kong pơlê ki ai tơdjâk ‘na tơdroăng ki tơbleăng 2 tơdroăng tơkêa ki kal tối a kơpêng vâ pơtối tŏng kum mâu tơdroăng xơpá, tơvâ tơvân ƀă pơkâ tơleăng mâu tơdroăng pơkâ mơ’no, pâ thế.