Pơkâ pêi kong pơlê Bình Thuận hneăng hơnăm 2021 – 2030, tơmiât pêi troh hơnăm 2050 hiăng châ Ngế pro xiâm hnê ngăn Chin phuh kĭ cho xiâm kối, ki mơhnhôk ki kal tung tơdroăng mơnhông cheăng kâ – rêh ối pơlê pơla, tơmiât la ngiâ pơkâ pêi Bình Thuận chiâng kong pơlê mơnhông păng ‘nâng, rĕng ƀă krá tơniăn.

Xông tơpui a roh leh, Ngế pro xiâm phŏ hnê ngăn tơnêi têa Trần Hồng Hà tối nhên: Tơdroăng hlê plĕng tŭm, trâu hơngế tiô Pơkâ 06 dêi Khu xiâm kal kí ‘na pơkâ pêi, mơjiâng pơkuâ ƀă mơnhông krá tơniăn tíu kơdrâm kuăn pơlê rêh ối tê mơdró Việt Nam troh hơnăm 2030 tơmiât pêi troh hơnăm 2045 cho kal khât.

Khu râ kăn pơkuâ kong pơlê Bình Thuận tơdah Pơkâ kĭ pơkâ pêi kong pơlê Bình Thuận hneăng hơnăm 2021 – 2030, tơmiât pêi troh hơnăm 2050

Xua pơkâ pêi kong pơlê Bình Thuận nếo vâ mơnhên troăng prôk la ngiâ. Vâ ai môi ngiâ méa ƀă mơnhên tŭm mâu tơmeăm ki ai xêh, mê ki kal cho kong pơlê thế pêi pro Pơkâ 06, ngăn mơnhông tíu kơdrâm kuăn pơlê rêh ối tê mơdró cho môi tung mâu troăng pêi, pơkâ pêi troh, tơdroăng mơhnhôk vâ ƀă tíu kơdrâm kuăn pơlê rêh ối tê mơdró ƀă cheăng kâ tíu kơdrâm kuăn pơlê rêh ối tê mơdró mơnhông kong pơlê.