Pơchuât a rôh pêi cheăng ăm hlo tơdroăng mơnhông cheăng kâ apoăng hơnăm dêi 3 to kong pơlê pơrá hlo mơnhông. Mâu kơvâ cheăng dế ‘mâi mơnhông tơniăn, a mâu khu mơdró kâ, kơxô̆ hâi pêi cheăng tung khế hiăng tâk hên tâ tâng pơchông ƀă khế kố hơnăm hdrối.

Kăn pơkuâ 3 to kong pơlê pâ thế, Chin phuh ƀă mâu khu xiâm kơvâ cheăng tŏng kum mâu tơdroăng ki xơpá ‘na troăng hơlâ pơkâ môi tiah hnoăng cheăng pơcháu tơnêi, ăm mung tơnêi mâu tơdroăng tơkêa hdi xo têa kơxĭ hiăng châ pơcháu; mâu tơdroăng tơvâ tơvân pơkâ ‘na pêi pro tơdroăng tơkêa ‘no liăn mơjiâng bro hngêi ối ki rơpâ liăn ƀă hên ki ê.

Mơgêi rôh pêi cheăng, Ngế pro xiâm phŏ hnê ngăn tơnêi têa Trần Lưu Quang ăm ‘nâi hên rơkong pâ thế dêi mâu kong pơlê ‘na tŏng kum tơdroăng xơpá tơvâ tơvân hiăng châ Chin phuh ƀă mâu khu xiâm kơvâ cheăng tŏng kum. Pơkâ thế mâu kong pơlê ing tơdroăng ki ai khât pleăng hnoăng ăm mâu kơ koan tơnêi têa pơkâ tơleăng tơƀrê, rơkê.