A mâu tơring cheăm kuăn pơlê hdroâng kuăn ngo Chăm rêh ối cheăng tâi tâng mâu cheăm hiăng pêi klêi thôn pơlê nếo, ai troăng rơxế ô tô chiâng kơtâu troh a tơdế pơlê cheăm, tâi tâng kơpong hdroâng kuăn ngo Chăm hiăng xúa on tơhrik tâi, ai hngêi pơkeăng cheăm, ai hngêi hôp tơdjuôm, ai hngêi trung hriâm.

Kơlo liăn pêi lo dêi hdroâng kuăn ngo Chăm hên tâ ƀă kơxô̆ rơpŏng kơtiê xuân iâ tâ tâng vâ pơchông ƀă kơlo ki tiah hmâ tơdjuôm tung lâp kong pơlê Ninh Thuận. A rôh tơdah, Ngế pro xiâm phŏ hnê ngăn tơnêi têa Trần Lưu Quang rơhêng vâ mâu ƀok phop mâu ngế cheăng pơtối pêi pro tơdroăng ki xiâm tung mơhnhôk mâu kuăn pơlê ki tiô khôp pêi pro mâu troăng hơlâ pơkâ dêi Đảng, tơnêi têa, tung tơdroăng rak vế, mơdêk khôi hmâ lĕm tro ki ai hên hĭn mâu tơdroăng, veăng kum pro kro mơdrŏng ‘na túa lĕm tro mâu hdroâng kuăn ngo Việt Nam.

Ngế pro xiâm phŏ hnê ngăn tơnêi têa mơnhên tối tơdroăng ki veăng kum dêi kuăn pơlê hdroâng kuăn ngo ki loi tĭng, tiô khôp tung kơpong Chăm dêi Ninh Thuận cho tơdroăng ki veăng kum hên khât tung tơdroăng mơdêk dêi kong pơlê ƀă dêi tơnêi têa.