A Hneăng hôp, Ngế xiâm pơkuâ Khu xiâm Kŏng an Tô Lâm kheăn kơdeăn tơdroăng châ tơƀrê ki Lào Cai hiăng châ chiâng pêi pro tung pơla kố nah; tơdrêng amê tối troăng vâ môi tuăn mâu pơkâ mơnhông dêi Lào Cai ƀă mâu tơdroăng tơkêa bro ki xiâm ƀă tơdroăng pêi pro Pơkâ kơxô̆ 11 dêi Khu xiâm kal kí ‘na mơnhên troăng prôk la ngiâ mơnhông kơpong peăng tơdế, kong ngo peăng kơnhŏng.

Ƀă hnoăng cheăng gâk kring tơniăn, hbrâ mơdât mơngế xôi, Ngế xiâm Tô Lâm tối, khu Kŏng an cheăm thế cho ki xiâm, thế hbrâ tŭm ‘na gâk kring, xua tâi tâng mâu tơdroăng tơdjâk gâk kring pơrá iâ ing pơlê pơla.

Ngế xiâm ngăn Kŏng an Tô Lâm xuân pơchân Lào Cai kal tơtrŏng tung tơdroăng hbrâ, xo hbrâ pơlê pơla cho troăng pêi ton xŏn, hbrâ tung tơdroăng cheăng cho ki xiâm. Ki rơhêng vâ tối, thế kơnôm a kuăn pơlê, tá hiâm mơno kum, tŏng kum kuăn pơlê, thăm loi tơngah, mơjiâng ivá ó rơdêi tâi tâng vâ mơjiâng, mơnhông mơdêk tơnêi têa.