Xông tơpui a roh pêi cheăng, Ngế xiâm Tô Lâm rơkâu, kheăn kơdeăn mâu tơdroăng châ tơƀrê ki Đảng ƀô̆, khu râ kăn pơkuâ ƀă kuăn pơlê kong pơlê Ninh Bình hiăng châ tơƀrê tung pơla kố nah. Ngế xiâm Tô Lâm pơkâ thế kong pơlê pơtối tiô tơdroăng pơkuâ, hnê mơhno dêi Khu xiâm Đảng, Chin phuh, Kuô̆k hô̆i, ki má lối cho po rơdâ pêi pro châ tơƀrê Pơkâ kơxô̆ 30 dêi Khu xiâm kal kí ‘na mơnhông mơdêk cheăng kâ – rêh ối pơlê pơla, tơniăn cheăng lêng, gâk kring kơpong tơbăng kroăng Hồng troh hơnăm 2030, tơmiêt pêi troh hơnăm 2045.

Ƀă tơdroăng pêi pro hnoăng cheăng mơnhông cheăng kâ – rêh ối pơlê pơla, Ngế xiâm Tô Lâm pơkâ thế Ninh Bình kal tơtrŏng mơnhông kơmăi kơmok, mơhnhôk tơdroăng mơ’no liăn cheăng, ôm hyô ƀă tê mơdró. Pêi hôm tâ mê nếo, po troăng ăm mơngế pêi cheăng, mơhnhôk ivá kuăn pơlê vâ mơjiâng mơnhông cheăng kâ – rêh ối pơlê pơla dêi kong pơlê.