A roh tơdah, vâ mơdêk tâ mê nếo tơrŭm cheăng pơla Việt Nam – Mih tối tơdjuôm ƀă tơrŭm cheăng pơla Khu xiâm Kŏng an ƀă khu tơrŭm cheăng Mih tối krê, Ngế xiâm pơkuâ Kŏng an Tô Lâm pơkâ thế péa pâ pơtối tơrŭm krá tơniăn, rĕng ai mâu troăng prôk ki nhên; ai mâu troăng pêi, troăng tơrŭm cheăng tơtro, păng ‘nâng tung mâu kơvâ cheăng vâ pêi pro châ tơƀrê mâu tơkêa tung pêi pro tơrŭm cheăng Khu tơrŭm cheăng ton xŏn hiăng châ khu râ kăn xiâm péa tơnêi têa môi tuăn klăng roh lăm pôu pêi cheăng dêi Kăn xiâm pơkuâ kong têa Mih hneăng hdrối Joe Biden troh Việt Nam pơla kố nah.

Nhuô̆m mơnê Ngế xiâm ngăn ‘na Kŏng an Tô Lâm hiăng mơdoh chôu tơdah, Kăn teăng mâ Marc Knapper mơnhên, Kăn teăng mâ Mih kô pơtối tơrŭm, pêi cheăng krá tơniăn ƀă mâu tíu cheăng dêi Khu xiâm pơkuâ Kŏng an Việt Nam vâ pêi pro păng ‘nâng ƀă châ tơƀrê mâu tơdroăng xiâm tơrŭm cheăng péa pâ rơtế rơhêng vâ ‘nâi plĕng, ki rơhêng vâ tối cho mâu tơdroăng xiâm tơrŭm cheăng hiăng châ khu râ kăn pơkuâ kân xiâm môi tuăn tiô tơdroăng Tơrŭm cheăng ton xŏn pơla Việt Nam ƀă Mih xua hơniâp lĕm, tơrŭm cheăng ƀă mơnhông krá tơniăn.