Ngế xiâm phŏ tơpui kâ ƀă kong têa ê Lê Thị Thu Hằng rơkâu Ƀok xối kân, Kăn teăng mâ Marek Zalewaski tơdah hnoăng cheăng nếo a Việt Nam; tối phiu ro hlo mâu tơdroăng mơnhông châ tơƀrê tơrŭm cheăng pơla Việt Nam – Hngêi khôp xiâm Vatican tung pơla kố nah; mơnhên tơdroăng péa pâ tơbleăng ăm pêi pro pơkâ pêi cheăng dêi Kăn teăng mâ Hngêi khôp xiâm ƀă Ƀơrô Kăn teăng mâ dêi hngêi khôp xiâm a Việt Nam klăng roh lăm pôu Vatican dêi Kăn xiâm hnê ngăn tơnêi têa Võ Văn Thưởng a khế 7/2023 mơnhên troăng mơnhông mơdêk ki kal tung tơrŭm cheăng pơla Việt Nam ƀă Hngêi khôp xiâm Vatican.

Ngế xiâm phŏ tơpui kâ ƀă kong têa ê Lê Thị Hằng mơnhên mâu kơ koan cheăng Việt Nam kô tŏng kum Kăn teăng mâ Hngêi khôp xiâm kêi đeăng hnoăng cheăng, kum mơdêk tơrŭm cheăng pơla Việt Nam ƀă Hngêi khôp xiâm, mơdêk tơrŭm tơdjêp pơla Hngêi khôp xiâm ƀă Khu xiâm tiô khôp Pâ Xeăng Việt Nam.