Hneăng hơnăm 2025 – 2030, bêng Pleiku pơkâ pêi klêi mâu tơdroăng mơjiâng Đảng ƀô̆ ƀă khu pơkuâ tơdroăng kal kí krúa lĕm, krá rơdêi, tơleăng mơnhên mâu tơdroăng ki xơpá, rak tơniăn tro mâu kơxô̆ liăn ‘no pêi cheăng, mơ-eăm pêi châ kơlo tâk 13,3% tung môi hơnăm, kơmăi kơmok – mơjiâng pro tơmeăm ƀă tê mơdró cho kơvâ cheăng xiâm tung mơdêk.

Tơpui hnê mơhno a hneăng hôp, pôa Nguyễn Trọng Nghĩa – Ngế xiâm ngăn Khu pơtâng tối tơdroăng kal ƀă Hnê mơhnhôk pêi cheăng Tơnêi têa tối nhên: Pơkâ thế mâu kăn pêi kơtăng mơdêk ki pơxúa pơchông ƀă ki ai hlâu kân dêi kong pơlê Gia Lai nếo ƀă dêi bêng Pleiku. Ing mê, gum pro tơ’lêi tơdroăng púi vâ pơhlêh nếo, tơmiât pêi rơkê, mê nếo hlối mơnhông krá tơniăn tiô tơdroăng pơkâ hiăng mơ’no tung kơxop hlá mơ-éa, vâ pro tiah lâi mơjiâng bêng Pleiku mơnhông ngiât, rơkê ƀă kro mơdrŏng túa lĕm tro.