A rôh tơdah, Ngế xiâm tơpui kâ Bùi Thanh Sơn tối nhên Việt Nam đi đo rơhêng vâ thăm mơdêk tơrŭm tơroâ ƀă tơrŭm tung hên kơvâ cheăng ƀă Ireland; loi tiah tơngah ing rôh lăm pôu kố kô rơtế ƀă Ireland séa ngăn, môi tuăn mâu túa pơkâ trâu rơdâ tâ nếo, tro ƀă tơdroăng ki rơhêng vâ ƀă ki pơxúa dêi Kuăn pơlê péa tơnêi têa.

Kăn xiâm pơkuâ kong têa Michael D. Higgins, tối rơdêi, Ireland  kô pro tơ’lêi hlâu vâ mâu kuăn pơlê Việt Nam mot tơrŭm ƀă hriâm tâp tơniăn, pơtối cho kông tơdjêp tung tơrŭm tơroâ pơla péa tơnêi têa. Péa ngế kăn xiâm pơkuâ môi tuăn ‘na tơdroăng ki péa tơnêi têa mơdêk rơdêi tơrŭm cheăng ƀă tŏng kum dêi rơpó a mâu rôh hôp ki hên kơvâ cheăng, tŏng kum tơdroăng ki ôh tá tơniăn, tơxup tơbriât ƀă mâu troăng hơlâ hơniâp lĕm, tro ƀă Luât Khu lâp kong têa ƀă luât lâp plâi tơnêi.