Kŏng ti on tơhrik Dak Lak hiăng ƀă dế pêi pro hên troăng pêi ki nhên ‘’Pêi pro kơdĭng, hbrâ mơdât mơ’nhê tê kơtê’’ tiô tơdroăng pơkâ hơnăm 2023. Pơtối mê, mâu tíu cheăng hiăng pêi pro rơdêi xúa ki rơkê khoa hok, kŏng ngê̆ tung pơkuâ xúa troăng on tơhrik, pêi pro mâu kih thuât ƀă pơkuâ vâ kơdroh tro lŭp ‘na on tơhrik, mơdêk ki loi tơngah xing xoăng ăm on tơhrik; pơkuâ kơlo liăn mơ’no tung mơjiâng pro tê mơdró tơtro ƀă tơdroăng nôkố.

Mâu tíu cheăng mơ-eăm kơdroh ki vâ iâ cho 80% kơxô̆ tơmeăm kơmăi kơmok nếo. Mâu kơxô̆ liăn mơ’no đi đo môi tiah hneăng hôp, hneăng tơpui tơno, xúa têa kơxăng, rơxế, on tơhrik, têa, mâu mơ-éa ƀă hía hé, châ xúa tơtro.

Tơdroăng mơ’no liăn pêi pro tro tơdroăng, rak tơniăn pêi kêi đeăng mâu tơdroăng tơkêa bro tiô tro pơkâ. Pakĭng mê, kơvâ on tơhrik xuân pơtối pêi pro rơdêi tơdroăng pơtâng tối ƀă hnê mơhno tơmối xúa on tơhrik kơdĭng, châ tơƀrê.