Tối nhên hnoăng dêi tuăn ngôa rơkê hơnăm ối nếo ‘’pro ƀai toăn mơnhông tơnêi têa’’, Phŏ Kăn xiâm hnê ngăn tơnêi têa pơkâ thế mâu ngế tuăn ngôa rơkê hơnăm ối nếo – mâu ngế rơkê pêi cheăng dêi tơnêi têa, pơtối mơnhông tơdroăng ki hâk tơngăm hdroâng kuăn ngo, hiâm mơno pâ nhuô̆m tơnêi têa, mơnhên hnoăng, pôu râng hnoăng ƀă hâk tơngăm dêi tơná vâ tơdjuôm ivá mơjiâng tơnêi têa tung pơla nếo, mot tung chal nếo.

Mâu ngế tuăn ngôa rơkê thế ‘nâi tơdroăng nôkố dêi rơxông, ƀeăn ƀĕng ‘na kal kí tung tơnêi têa ƀă lâp plâi tơnêi; pơkâ pêi, pói vâ krê, tơdjêp mâu tơmeăm hriăn plĕng ƀă tơdroăng rêh ối vâ veăng kum păng ‘nâng, châ tơƀrê. Phŏ Kăn xiâm hnê ngăn tơnêi têa pơkâ thế Khu xiâm Đoân Droh rơtăm pơtối rak, mơnhông Hôp tơpui tơno môi tiah môi tơdroăng ki tơdjêp tuăn ngôa rơkê, mơjiâng tíu trâm mâ, tối ăm dêi pó, troh lâp lu hiâm mơno tơmiât pêi rơkê, pleăng troăng mơnhông tơnêi têa.