Hlo ƀă tối ki xơpá dêi mâu cheăm bêng, mâu kăn pơkuâ cheăng Hô̆i đong kuăn pơlê dêi kong pơlê Dak Lak pơkâ thế mâu kăn Hô̆i đong kuăn pơlê kong pơlê tối hnoăng cheăng pêi, pêi tro tiô hnê mơhno dêi Đảng, Tơnêi têa ƀă Kuô̆k hô̆i, mơdêk ki tơƀrê tơdroăng cheăng.

Jâ Cao Thị  Hòa An, Kăn hnê ngăn Hô̆i đong kuăn pơlê kong pơlê Dak Lak ăm ‘nâi, sap nôkố ta troh tâ phĭu rah xo kăn Kuô̆k hô̆i ƀă Hô̆i đong kuăn pơlê kong pơlê rêm râ hơnăm 2026, tơdroăng cheăng pêi dêi Hô̆i đong kuăn pơlê kong pơlê rêm râ hên  kal tăng ngăn, pê klêi pơkâ; mơdêk séa ngăn mâu tơdroăng kuăn pơlê tơmâng, châ ‘nâi mâu tíu ki pá, pakĭng mê tăng troăng hơlâ tơkâ luâ.