Ƀă túa pơkâ “Tơrŭm – Tơniăn – Kơtăng –Tơƀrê – Mơnhông”, Hneăng hôp cho rôh vâ tâi tâng Đảng ƀô̆ Khu xiâm ngăn kong kế tơmeăm khoăng ƀă Kong prâi hvái ngăn troăng prôk 5 hơnăm pơkuâ, hnê mơhno pêi pro Pơkâ Hneăng hôp hơnăm 2020 – 2025, ing mê hlo mâu tơdroăng pêi pro ki tá hâi tơƀrê; tá hâi rơkê, tơdrêng amê hlối pơkâ mơ’no troăng tơmiât pêi, tơdroăng pêi ki kal ƀă troăng hơlâ pêi pro ăm hơnăm 2025 – 2030.

Mâu tơdroăng pơkâ a Hneăng hôp kô veăng gum rơtế ƀă lâp tơnêi têa pêi pro pơhlêh tơdroăng pơkâ pêi mơnhông rĕng, krá ton troh hơnăm 2030, rôh ki hdró 100 hơnăm mơjiâng Đảng Kŏng san Việt Nam; tơdrêng amê tơmiât troh tơdroăng rơhêng vâ kro mơdrŏng a hơnăm 2045 – tơbâ 100 hơnăm mơjiâng tơnêi têa Việt nam dân chuh Kŏng hòa, nôkố cho tơnêi têa Kŏng hòa xah hô̆i chuh nghiah Việt Nam.

A Hneăng hôp, Đảng ủi Chin phuh kô tơbleăng pơkâ thế Khu pơkuâ cheăngt, Khu ngăn cheăng tơdroăng cheăng Đảng, kăn phŏ pơkuâ ngăn Đảng ƀă Vi ƀan séa ngăn Đảng ủi Khu xiâm ngăn chiâk ƀă Kong prâi hơnăm 2025 – 2030.