Pôa Bùi Thanh Sơn, Ngế xiâm tơpui kâ tơdah Kăn pơkuâ hnê ngăn Đảng Quảng Tây, Sinuâ
Thứ sáu, 10:38, 31/03/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Hâi lơ 30/3, a Hngêi ăm tơmối ối pơtê Chin phuh, pôa Bùi Thanh Sơn, Ngế xiâm tơpui kâ hiăng tơdah pôa Lưu Ninh, Kăn pơkuâ hnê ngăn Đảng Kơpong pơkuâ hdroâng mơngế Choang Quảng Tây, Sinuâ.
A rôh tơdah, pôa Bùi Thanh Sơn tối nhên Việt Nam đi đo ngăn nhuô̆m tơrŭm cheăng ƀă tơnêi têa ki a chê tơrŭm tơroâ, tơnêi têa tơrŭm cheăng kâ tung la ngiâ tung tâi tâng ƀă Sinuâ, mơnhên kố cho tơdroăng ki kơjo kum apoăng tung tâi tâng troăng hơlâ tơpui kâ tơniăn krê, hên tơdroăng, pro pơ’lêh tơdroăng tơrŭm cheăng dêi Việt Nam; mơnê Quảng Tây hiăng ai hên tơdroăng veăng kum tơbêng ăm tơrŭm tơrôa pơla péa tơnêi têa, tŏng kum hên kế tơmeăm xúa tung khăm pơlât hbrâ mơdât pơreăng COVID-19 ăm Việt Nam.
Pôa Bùi Thanh Sơn pơkâ thế pơkâ thế péa pâ mơdêk mâu rôh lăm pôu, trâm mâ pơla rêm râ, mâu kơvâ cheăng; mơdêk tơƀrê mâu tơdroăng pơkâ, tơdroăng tơpui tơno, tơrŭm cheăng dế nôkố; po rơdâ trâm mâ pơla kuăn pơlê tíu tơkăng kong.
Viết bình luận