Tiô mơnhên tối, kong pơlê Gia Lai ối trâm hên xơpá xua tá hâi châ Pơkâ ‘na tơdroăng ki nhên tơdroăng ki klâ tơnêi, tơdroăng ki tơtro dêi tơnêi tiô rêm túa tơnêi ƀă ƀăng tơnêi ki châ klâ tơnêi ƀă rêm túa tơnêi; Tá hâi ai tơdroăng ki hnê mơhno pro nhên tơdroăng ki pêi pro hơ’lêh xúa tơnêi kong chiâng tơdroăng ki xúa ki ê.

Kong pơlê Gia Lai pâ thế Chin phuh, Khu pơkuâ ngăn Đảng tŏng kum tơdroăng ki kuăn pơlê hdi tơbriât a tơnêi pêt kong ki u ối ing nah troh nôkố. Pơkâ kố rơnêu chiâng troăng hơlâ tŏng kum luât ‘na pêt kong, tơnêi tơníu pêi pro pơcháu tơnêi pêt kong tá hâi ai kong vâ mơnhông pêt kong, pêt kong.

Tơpui a rôh mơgêi rôh pêi cheăng, pôa Đặng Quốc Khánh - Ngế xiâm pơkuâ kế tơmeăm tung têa, a tơnêi ƀă hyôh kong prâi pơkâ thế, tung la ngiâ, Gia Lai kal tơmâng ngăn troh hnoăng cheăng pơkuâ ngăn tơnêi tơníu, tŏng kum tơdroăng ki xúa tơnêi tơníu rak tơniăn tro tơdroăng ƀă pơkâ dêi luât. Pơtối tơbleăng tơƀrê hnoăng cheăng bro lơgât tơnêi tơníu, hồ sơ tơnêi tơníu ƀă hlá mơ-éa tơnêi tơníu tiô túa ki tơƀrê.