Kố cho tíu pơtê chêng apoăng tung roh lăm pôu pêi cheăng kong têa Đông Nam Á dêi Kăn xiâm pơkuâ kong têa Pơhlăng, mơhno tơdroăng ki nhuô̆m ki Pơhlăng ăm Việt Nam.

Tơdroăng ki tơrŭm cheăng pơla péa tơnêi têa hiăng tơkâ hluâ hên tơdroăng drêng tâk drêng chu tung tơdroăng roh ton nah ƀă dế pơtối mơnhông ó rơdêi, tơmiêt troh tơdroăng la ngiâ. Roh lăm pôu pêi cheăng roh kố châ pói tơngah kô mơdêk hên tâ mê nếo tơŭm cheăng ton xŏn pơla Việt Nam ƀă Pơhlăng tung hên kơvâ cheăng, ing kal kí, cheăng kâ, gâk kring tơnêi têa troh hnê hriâm, khôi túa lĕm, hriăn plĕng khoa hok ƀă mâu tơdroăng lâp plâi tơnêi môi tiah kong prâi hơ’lêh, gâk kring kơpong.

Tơdroăng ki kal xuân môi tiah mơnhên hnoăng rế hía rế kal dêi Việt Nam tung kơpong ƀă tung lâp plâi tơnêi, po mâu roh tơ’lêi hlâu tơrŭm cheăng pơla péa tơnêi têa.