Tiô Khu rak ngăn tơdroăng tơkêa bro ‘no liăn pêi cheăng mơjiâng tơmeăm khoăng kong pơlê Đồng Nai, tơdroăng tơkêa bro peăng 1 troăng kân tơdrăng lê̆m Biên Hòa - Vũng Tàu rôh má 1 ki xŏn 16km. Tâi tâng kơxô̆ liăn ‘no pro lối 6.012 rơtal liăn xo ing liăn ngân Tơnêi têa.

Troh nôkố, troăng hiăng pro rôh má 1 mê châ dâng lối 46%. tơdroăng tơkêa bro tơbleăng pêi sap hơnăm 2022, tiô tối hdrối kô pê klêi hơnăm 2025, ngăn a tơdroăng pro tâi tơdrêng troăng kân tung hơnăm 2026. Troh nôkố, tơdroăng chêl thiăn liăn xua ‘mâi xĕn tơnêi tíu kơdrum deăng hngêi trăng vâ tối hiăng vâ klêi, a tíu mơjiâng pro dế ai 35 tíu dế pro mơhnhôk tăng lối 400 toăng rơxế kơmăi kơmok ƀă 440 ngế kŏng nhân.

A rôh lăm ngăn, pôa Hồ Đức Phớc tối nhên, mâu tíu pêi cheăng ki tơdjâk troh, khu ‘no liăn mơjiâng pro tơkŭm kơmăi kơmok, mơngế vâ rĕng pêi vâ rĕng klêi, rĕng tơbriât bro drêng kong prâi dế lĕm, tơniăn rĕng pê klêi troăng mê tiô tơhrâ hdrối hâi lơ 19/12/2025.