Klêi kơ’nâi péa hâi tơkŭm po Hneăng hôp kăn teăng mâ Đảng ƀô̆ Grup pơkuâ Kŏng ngiê̆p – On tơhrik Tơnêi têa Việt Nam (Petrovietnam) roh má IV, hneăng hơnăm 2025 – 2030 (2 – 3/8/2025), Hneăng hôp hiăng rah xo Khu pơkuâ Tơdroăng cheăng Đảng ủy Grup pơkuâ hneăng hơnăm 2025 – 2030 ai 12 ngế. Pôa Lê Mạnh Hùng, Kăn hnê ngăn Hô̆i đong khu tơrŭm, Grup pơkuâ châ loi tơngah rah xo to pro Kăn pơkuâ hnê ngăn Đảng ủy.

Pôa Lê Ngọc Sơn ƀă pôa Trần Quang Dũng châ rah xo pro Phŏ Kăn pơkuâ hnê ngăn Đảng. Khu pơkuâ Đảng ƀô̆ Grup pơkuâ hiăng rah xo 6 ngế tung Vi ƀan Séa ngăn Đảng Grup pơkuâ hneăng hơnăm 2025 – 2030. Pôa Nguyễn Văn Mậu, Kăn cheăng tung Khu pơkuâ cheăng Đảng ủy, ngế ối tung Hô̆i đong khu tơrŭm  châ rah xo to pro Kăn pơkuâ Vi ƀan séa ngăn Đảng ủy Grup pơkuâ.

Xông tơpui a Roh hôp, pôa Lê Mạnh Hùng - Kăn pơkuâ Đảng ủy, Kăn hnê ngăn Hô̆i đong khu tơrŭm Grup loi tơngah, ƀă hiâm mơno pôu râng hnoăng cheăng, tơrŭm môi tuăn, môi tuăn sap apoăng troh tá tui lui, mâu khu pú tung Khu pơkuâ tơdroăng cheăng ƀă Vi ƀan séa ngăn Đảng ủy Grup pơkuâ hneăng nếo kô mơnhông ki khên tơnôu, túa ki rơkê tơtro, hnoăng cheăng pơkuâ tâi tâng, veăng gum djâ Petrovietnam mơnhông mơdêk krá tơniăn tung hneăng la ngiâ.