A rôh tơpui tơno ƀă pôa Jared Bernstein, Kăn xiâm hnê ngăn Hô̆i đong cheăng kâ, pôa Lê Minh Khái - Ngế pro xiâm phŏ hnê ngăn tơnêi têa tối tiah kố, drêng mơdêk tơrŭm cheăng tung tŭm tơdroăng a khế 9 hơnăm 2023, péa tơnêi têa kô ai hên tơdroăng ki nếo tơrŭm cheăng tung hên kơvâ cheăng.

Pôa Lê Minh Khái - Ngế pro xiâm phŏ hnê ngăn tơnêi têa ƀă Kăn xiâm hnê ngăn Hô̆i đong cheăng kâ Mih

Ngế pro xiâm phŏ hnê ngăn tơnêi têa tối tiah kố, tơrŭm cheăng  kâ- tê mơdró thăm rế ai pơxúa tung tơdroăng ƀă pro pơxúa cheăng kâ nhên, pơtối cho ki xiâm ƀă mơdêk tơrŭm cheăng péa tơnêi têa; pơkâ thế péa tơnêi têa pơtối pơ’lêh nếo ƀă mơnhông tơƀrê tơrŭm cheăng tung tŭm tơdroăng.

Pôa Bernstein tối tro kơ tuăn ‘na mơnhông tơrŭm cheăng pơla Việt Nam - Mih, malối tung kơvâ cheăng kâ - tê mơdró - ‘no liăn cheăng; mơhno Mih kô pơtối pro tơ’lêi hlâu vâ mơdêk tâ nếo tơrŭm cheăng pơla péa pâ tung la ngiâ.