A rôh tơdah Kăn teăng mâ Ănglê, pôa Lê Thành Long Phŏ ngế pro xiâm  hnê ngăn tơnêi têa ăm ‘nâi Việt Nam đi đo ngăn nhoăm mơnhông tơrŭm cheăng pơla Việt Nam  ƀă kong têa Ănglê, tung mê tơrŭm hnê hriâm ƀă hnê mơjiâng tuăn ngôa rơkê mê ki xiâm kal khât.

Việt Nam xuân hak vâ tơ’mot đại học lâp plâi tơnêi, mơjiâng phân hiệu, kô pêi mâu tơdroăng pơkâ troh hơnăm 2030 ai tơ’nôm ki iâ péa phân hiệu dêi mâu hngêi trung ki má môi lâp plâi tơnêi. Teăng mâ pôa Iain Frew Kăn teăng mâ tối nhên: Hnê hriâm cho xiam tơrŭm cheăng pơla péa pâ, ƀă ai 12.000 ngế sinh viên Việt Nam dé hriâm a  kong têa Ănglê, hlối tơhrâ pơtối  kum Việt Nam rế ai hên  mơngế rơkê vâ tơƀrê tung pêi cheăng.