A rôh leh, teăng mâ kăn pơkuâ Đảng, Tơnêi têa, pôa Lương Cường, Kăn xiâm hnê ngăn tơnêi têa diâp Me dái 40 hơnăm ối tung Đảng ƀă hâk tơngăm rơkâu pôa Lê Khánh Hải, kăn pơkuâ Ƀơrô cheăng kăn xiâm hnê ngăn tơnêi têa. Ƀriê ƀă hâk tơngăm châ tơdah xo Me dái 40 hơnăm ối tung Đảng, pôa Lê Khánh Hải, kăn pơkuâ Ƀơrô cheăng kăn xiâm hnê ngăn tơnêi têa mơhno hiâm mơno mơnê ó khât troh kăn pơkuâ Đảng, Tơnêi têa; Khu pơkuâ ngăn Đảng mâu kơ koan Đảng Tơnêi têa, Đảng ủi Ƀơrô cheăng kăn xiâm hnê ngăn tơnêi têa rơtế ƀă tâi tâng mâu kăn hiăng troh veăng ai mâ, mơhnhôk ƀă tơkŭm po leh ai pơxúa kố.

Pôa Lê Khánh Hải tối nhên kô rơtế ƀă Ƀơrô cheăng kăn xiâm hnê ngăn tơnêi têa pơtối tơrŭm, tơdjuôm ivá hiâm mno tơkâ luâ mâu xơpá, mơeăm pêi klêi rơkê hnoăng cheăng kal kí dêi kơ koan, mơjiâng Đảng ƀô̆ rế hía rế krúa rơdêi, veăng gum hnoăng cheăng mơjiâng ƀă rak vế Tơnêi têa tung chal nếo, chal mơnhông kro mơdrŏng, rơkê plĕng, hơniâp ro.