A rôh tơdah, pôa Lương Cường, Kăn xiâm hnê ngăn tơnêi têa tối rơdêi, tơrŭm tơroâ kân khât, tơrŭm tơviah, tơrŭm tŭm têk Việt Nam – Lếo ai pơxúa kal khât ƀă tơdroăng cheăng mơjiâng ƀă rak vế Tơnêi têa dêi rêm tơnêi têa; cho luât ki u ối ƀă mơnhông dêi rêm tơnêi têa.

Pôa Lương Cường, Kăn xiâm hnê ngăn tơnêi têa pơkâ thế, tung la ngiâ ah khu lêng péa tơnêi têa thăm mơnhông tơrŭm cheăng, tối ăm dêi pó ‘na ki rơkê tung mơjiâng khu lêng krá rơdêi ‘na kal kí, hiâm mơno tơmiât, kăn ƀô̆ ƀă khu tơrŭm, tơtrŏng ‘mâi mơnhông, rak vế ‘na hiâm mơno tơmiât pêi dêi Đảng, rak vế krá rơdêi tơdroăng pơkuâ, ‘na mâu kơvâ cheăng dêi Đảng ƀă khu lêng kuăn pơlê; mơdêk hnoăng cheăng, xêt tơƀrê pêi pro troh cheăng Đảng, cheăng kal kí tung rêm kơvâ, rêm tơdroăng, rêm tơdroăng tơkêa tơrŭm cheăng pơla péa khu lêng; thăm mơnhông hnê tối, hnê hriâm tơƀrê ‘na tơdroăng ton nah, ai pơxúa, tơdroăng ki kal dêi tơrŭm cheăng pơla Việt Nam – Lếo.