Khu râ kăn pêi cheăng rơtế kăn teăng mâ khu râ kăn pơkuâ kong pơlê Điện Biên hiăng ‘măn rơvĭu reăng, chôu nhang a Tíu koh tơbâ mô đô̆i hlâ tung tơplâ xâ nah Điện Biên Phủ ƀă Ilâng kiâ Mô đô̆i hlâ tung tơplâ xâ nah A1.

A ngiâ um mâu ngế khên tơnôu, mô đô̆i hlâ tung tơplâ xâ nah, pôa Nguyễn Hòa Bình ƀă mâu khu tơrŭm tung khu hiăng mơdoh iâ phut tơbâ, tối mơhno tơdroăng ki tơbâ trâu hơngế ƀă hnoăng kân kĭn dêi mâu ngế khên tơnôu, mô đô̆i hlâ tung tơplâ xâ nah – mâu ngế kuăn ki khên tơnôu dêi hdroâng mơngế hiăng khên tơnôu tơplâ, pleăng hnoăng cheăng xua tơdroăng tơleăng lĕm hdroâng mơngế, gâk kring Tơnêi têa.

Tơdrêng amê pleăng pơtối mơnhông khôi túa lĕm Điện Biên Phủ khên tơnôu, rŭm môi tuăn, mơ-eăm rơtế tâi tâng Đảng, tâi tâng khu lêng ƀă tâi tâng kuăn pơlê ƀlêi trâng tơdroăng mơjiâng tơnêi têa rế hía rế mơnhông kro mơdrŏng. Kơxo rơtế hâi mê, pôa Nguyễn Hòa Bình ƀă khu râ kăn pêi cheăng hiăng veăng Leh phiu ro hiăng mơjiâng pro kêi đeăng tíu pêi cheăng dêi Hngêi tơleăng kuăn pơlê kong pơlê Điện Biên – Tơmeăm ai kơxô̆ liăn mơ’no 113 rơtal liăn.