Pơchuât a rôh pêi cheăng, pôa Hầu A Lềnh, Kăn pơkuâ Vi ƀan hdroâng kuăn ngo ăm ‘nâi, hnoăng cheăng hdroâng kuăn ngo ƀă pêi pro troăng hơlâ tŏng gum tung pơla hdrối nah châ hên tơdroăng tơƀrê ki kal ‘na tơdroăng kal kí, cheăng kâ, túa lĕm tro, pơlê pơla, tơdroăng cheăng lêng, gâk kring, tơpui kâ; mơhnhôk châ ivá tơrŭm mâu hdroâng kuăn ngo veăng gum ăm tơdroăng cheăng mơjiâng ƀă rak vế Tơnêi têa.

Mơgêi rôh pêi cheăng, pôa Nguyễn Hòa Bình, Ngế pro xiâm phŏ hnê ngăn tơnêi têa pơkâ thế tung la ngiâ ah Vi ƀan hdroâng kuăn ngo tơrŭm krá tơniăn ƀă mâu khu xiâm kơvâ cheăng ki tơdjâk kal tơbleăng teăm tơdrêng mâu tơdroăng pơkâ ‘na troăng hơlâ tŏng gum ăm kơpong hdroâng kuăn ngo  ƀă peăng kong ngo. Kal pro tơ’lêi hlâu mâu hlá mơ-éa vâ tơ’lêi pêi, tơ’lêi xúa tung tơbleăng mâu tơdroăng pơkâ. Tung tơdroăng ki xing xoăng liăn ăm mâu tơdroăng tơkêa, kal ai tơdroăng tơmâng ngăn tơxâng ƀă kơpong hdroâng kuăn ngo ƀă peăng kong ngo.