Hâi lơ 12/1, pôa Nguyễn Phú Trọng, Kăn xiâm pơkuâ hnê ngăn Đảng pơkuâ po rôh hôp Khu hnê mơhno Tơnêi têa ‘na hbrâ mơdât kâ kơluâ. Khu hnê mnơhno cheăng mơnhên tối tung hơnăm 2022 mâu kơ koan pơsăm tối Tơnêi têa hiăng châ ‘nâi, tơplâ mơdât, pơsăm tối hên rôh bro xôi kâ kơluâ ki kân, malối ki ó rơdêi, ôh tá tơniăn. Pôa Nguyễn Phú Trọng pơkâ thế, tung la ngiâ mâu kơ koan ki ai tơdjâk troh pơtối tơrŭm ƀă dêi rơpó pêi pro rơkê, mơjiâng châ hên troăng hơlâ, tơdroăng pơkâ, túa pơkâ vâ pôi tá chiâng, ôh tá khên, ôh tá rơhêng vâ, ôh tá kal kâ kơluâ, ví tơdroăng ki xâu hnoăng cheăng pôu râng dêi tơná, xâu ôh tá tro, ôh tá khên pêi.

Pôa Nguyễn Phú Trọng xuân mơhno nhên, athế ai túa pêi ki phá krê xêh, kăn ƀô̆ pơkuâ, rak ngăn mâu khu râ, kơvâ cheăng khu xiâm, rế athế djâ troăng ahdrối tung hbrâ mơdât kâ kơluâ athế djâ troăng ahdrối tung hnoăng cheăng hbrâ mơdât kâ kơluâ liăn ngân.