A rôh hôp, Pôa Nguyễn Phú Trọng, Kăn xiâm pơkuâ hnê ngăn Đảng  hâk mơnê rơkâu kơ pôa Vladimir Putin, Kăn xiâm pơkuâ kong têa châ kuăn pơlê kong têa Rusi hâk nhoăm pôk pro kăn xiâm pơkuâ kong têa Rusi nếo hneăng hơnăm 2024-2030 ƀă kơxô̆ phĭu rah xo hên má môi riân sap nah ta troh nôkố dêi kong têa Rusi, mơhno tuăn loi khât ƀă môi tuăn dêi kuăn pơlê Rusi ƀă pôa Vladimir Putin, Kăn xiâm pơkuâ kong têa tung ơdroăng pro kăn pơkuâ hnê djâ kong têa Rusi mơnhông tung mâu hơnăm la ngiâ.

Pôa Putin tối, Việt Nam đi đo cho pú hmâ, cho tơnêi têa tơrŭm ƀă ki Rusi loi nhoăm. Pôa Putin tối phiu ro hlo mâu tơdroăng mơnhông mơdêk tung tơrŭm cheăng péa pâ tung tâi tâng mâu kơvâ. Péa ngế Kăn hiăng tơpui tơno vâ môi tuăn ‘na kơxô̆ troăng ki kân vâ mơdêk tơrŭm cheăng pơla péa pâ tung la ngiâ tung mâu kơvâ cheăng kring vế tơniăn - cheăng lêng, cheăng kâ - tê mơdró, mơhno túa lĕm tro, ôm hyô.