Hneăng hôp kân 14 cho môi tơdroăng hdró kal khât, ai pơxúa pơkâ troăng tung la ngiâ, mơnhông tâi tâng Đảng, tâi tâng kuăn pơlê, tâi tâng khu lêng pơtối mơdêk tŭm têk, tơdâng tơ’mô tơdroăng hơ’lêh nếo, ăm tơnêi têa mơnhông rĕng ƀă krá tơniăn xua ki xiâm cho kuăn pơlê kro, tơnêi têa rơdêi, tơniăn krê, tơdâng, rơkê, rơdêi tung hvêa chêng prôk troh chuh ngiah xah hô̆i.

Xua mê, vâ hbrâ ăm mâu ngế cheăng Hneăng hôp kân 14 dêi Đảng, tơdroăng ki kal xiâm cho athế mơnhên tro pơkâ thế Mơjiâng Khu pơkuâ Tíu xiâm ki kal xiâm cho Khu xiâm pơkuâ tơdroăng kal kí, Khu pơkuâ ngăn Đảng, kăn pơkuâ xiâm dêi Đảng, mâu kăn tối nhên, hnoăng cheăng hbrâ mâu ngế cheăng, dêi Khu xiâm pơkuâ tơdroăng kal kí, Khu pơkuâ hnê ngăn Đảng, dêi Khu pơkuâ Tíu xiâm tơnêi têa cho hnoăng cheăng kal khât dêi khu pơkuâ tơdroăng kal kí, dêi rêm râ Đảng, khu tơrŭm cheăng Đảng, mâu kơ koan, tíu pêi cheăng ƀă mâu kong pơlê.

Hiâm mơno cho athế pêi pro tro hnoăng cheăng mâu ngế cheăng ing hneăng hôp Đảng ƀô̆ rêm râ vâ veăng kum hbrâ rơnáu tro mâu ngế cheăng ăm Hneăng hôp kân 14 dêi Đảng, veăng kum ƀlêi chiâng tơdjuôm dêi Hneăng hôp Đảng lâp tơnêi têa rôh má 14, tiô tối hdrối kô po a hneăng má I/2026.