Kơxo hâi lơ 17/3, a tíu pêi cheăng Khu pơkuâ hnê ngăn Đảng kong pơlê Lâm Đồng hiăng po hôp tơbleăng tơdroăng Pơkâ dêi Khu xiama kal kí ‘na tơdroăng cheăng kăn ƀô̆. Pôa Nguyễn Thái Học, Phŏ hnê ngăn khu kăn Xiâm châ Khu xiâm kal kí rah, Ngế cheăng tung khu hnê mơhno ‘Mâi hơ’lêh luât xiâm tơnêi têa châ rah, xo pêi hnoăng cheăng pro Ngế pơkuâ hnê ngăn Đảng kong pơlê Lam Đồng.

Vâ tơniăn hnoăng pơkuâ tơdrêng, tung tŭm tơdroăng cheăng, rêm hâi, đi đo dêi Khu xiâm kal kí, Khu kăn hnê ngăn Đảng ƀă Tíu xiâm Đảng ƀă Khu hnê ngăn Đảng kong pơlê Lâm Đồng, Khu xiâm kal kí pơkâ rah xo, pôa  Nguyễn Thái Học, Kăn phŏ hnê ngăn khu kăn Xiâm châ Khu xiâm xo pêi hnoăng cheăng tung Khu kăn ƀă pêi hnoăng cheăng pro Ngế pơkuâ hnê ngăn Đảng kong pơlê Lâm Đồng hneăng hơnăm 2020-2025.

Pôa Nguyễn Thái Học, kot mâ hơnăm 1972, pơlê xiâm a Hòa Quang Bắc, tơring Phú Hòa, kong pơlê Phú Yên; hriâm troh Tiê̆n sih khoa hok chính trị, cử nhân Luât; cử nhân chính trị. Tơbleăng xo hnoăng cheăng pêi, po Ngế pơkuâ hnê ngăn Đảng kong pơlê Lâm Đồng pôa Nguyễn Thái Học tối hâk mơnê châ Khu xiâm kal lí, Khu kăn hnê ngăn Tíu xiâm Đảng, Khu tơrŭm cheăng xiâm tơnêi têa loi, pơcháu hnoăng cheăng pêi ki nếo.