Hdrối vâ troh hơnăm nếo Qúy Mão 2023, kơxo lơ 15/1, pôa Nguyễn Xuân Phúc, Kăn xiâm hnê ngăn tơnêi têa hiăng lăm pôu, rơkâu Têt ƀă tăng ‘nâi plĕng ngăn tơdroăng xoăng mơngế pêi cheăng tung mâu hâi pơtê, hbrâ rơnáu tơplâ dêi Mố đô̆i gak tơkăng Dak Lak.  

Kăn xiâm hnê ngăn tơnêi têa pơkâ thế Đảng ủy, Mố đô̆i gak tơkăng kong Dak Lak pêi tro tơdroăng cheăng hbrâ tơplâ, kring vế tíu tơkăng kong tơnêi têa ƀă tơkŭm tơdah Têt Lo hơnăm nếo Qúy Mão sôk ro, tơtô; môi tuăn, tơrŭm krá ƀă mâu lêng tung tơdroăng tơplâ mơdât mâu ki pro xôi.

Xuân tung hâi ki mê, pôa Nguyễn Xuân Phúc, Kăn xiâm hnê ngăn tơnêi têa lăm pôu, hbru 200 kơxu tơmeăm ăm kuăn pơlê kơtiê xơpá a cheăm Ƀuôn Hồ; lăm pôu hbru tơmeăm ăm hok tro râ má pái ai tíu kâ koi ối pơtê tơring Krông Ƀuk ƀă rơpŏng kơtiê dêi tơring.