Pôa Phạm Minh Chính - Ngế pro xiâm hnê ngăn Chin phuh tối nhên, mơnhông cheăng kâ krê dêi kuăn pơlê cho hnoăng cheăng pêi ki kal dêi tơdroăng cheăng kâ tơnêi têa. Ngế pro xiâm hnê ngăn tơnêi têa tối nhên, hneăng hôp kố vâ tơmâng Khu 4 tơbleăng tơdroăng kak vâ pâ thế mâu tơdroăng cheăng pêi, troăng hơlâ pêi pro tơdroăng Pơkâ 68 klêi tơniăn; ki hdrối thế tah mâu tơdroăng pá tơvâ tơvân vâ ki tât tơdroăng vâ pêi, luât pơkâ, luât pơkâ tŏng kum, xua luât mê hlối cho xiâm vâ pêi, hlối cho ki mơnhông vâ mơ-eăm mơnhông tơƀrê.

Ngế pro xiâm hnê ngăn tơnêi têa tôi khât mâu tơdroăng hơ’lêh sap ai tơdroăng Pơkâ 68 tơbleăng pêi, pro pơ’lêh tuăn tơchĕng tơmiât, ki mơ-eăm, xiâm ki mơnhong tơbrê. Púi vâ pơlêh 5 rơtuh rơpŏng kuăn pơlê ki mơdró,  rơpŏng mơdró kŭn chiâng rơpŏng mơdró kân,  rơpŏng mơdró kân chiâng ai khu mơdró  kân tâ, khu mơdró kâ tâ chiâng khu mơdró ki tơxâng vâ tơ’mô lâp plâi tơnêi, tơrŭm cheăng ƀă hên mâu kong têa, veăng ai tơmeăm tê ki pơxúa tung lâp plâi tơnêi.

Pakĭng mê tối, tơdroăng ki kal má môi cho mơhnhôk tăng xiâm ing kuăn pơlê, khu mơdró xua ing tuăn tơmiât ƀă mâ ngăn troh hơngế, ai tuăn mơ-eăm ing tơdroăng pơ’lêh nếo ƀă hriăn plĕng ki nếo, ivá rơdêi pơxiâm ing khu mơdró krê dêi kuăn pơlê ƀă khu mơdró.