Klêi kơ’nâi hmâng mâu rơkong tơpui tối, mơgêi rôh hôp, pôa Phạm Minh Chính, Ngế pro xiâm hnê ngăn tơnêi têa hiăng mơhno nhên tơdroăng ki hiăng pêi klêi, mâu tơdroăng ki tá hâi pêi klêi tung mê tối nhên “5 tơdroăng tá hâi chiâng” môi tiah: Ivá pơklât hnê mơhno pơkuâ cheăng kâ kân, malối bro mơhrê  liăn ngân, liăn laih, liăn rơtal ối hên xua yă têa châu têa kơxăng, yă kế kâ, liah mung liăn, liăn rơtal a kơchơ mơdró kong têa hơ’lêh rơdêi; trâm ôh tá mơhúa ‘na liăn ngân, hngêi trăng tơnêi tơníu lâp plâi tơnêi; troăng prôk ôh tá tơniăn ‘na kal kí, cheăng kâ, rêh ối pơlê pơla pơtối tâk.

Tung la ngiâ ah, Ngế pro xiâm hnê ngăn rơnêi têa pơkâ thế séa ngăn kơtăng Pơkâ Hneăng hôp 13 dêi Đảng, tơdroăng pơkuâ dêi Tơnêi têa, Khu xiâm pơkuâ tơdroăng kal kí ƀă kăn pơkuâ xiâm, Tơdroăng cheăng tung la ngiâ mơnhông cheăng kâ rêh ối pơlê pơla hơnăm 2021 – 2030, mâu túa pơkâ 5 hơnăm 2021 – 2025, mâu Pơkâ, tơdroăng hnê mơhno dêi Chin phuh, Ngế pro xiâm hnê ngăn Chin phuh.

Khŏm mơ-eăm pôi tá ton tá rŏng drêng trâm mâu tơdroăng xơpá, rak vế khên tơnôu, khŏm pêi klêi tơdroăng pơkâ mơ’no ƀă khŏm mơ-eăm ta nếo pêi pro, tơƀrê tâ. Xo ivá cho ki xiâm mơnhông tung la ngiâ, ton xŏn, khŏm mơ-eăm, ngăn tơdroăng xơpá, pơloăng mơnúa cho ivá mơ-eăm. Tơkŭm tŏng kum mâu tơdroăng xơpá, mơdêk mơjiâng bro tê mơdró, tăng cheăng pêi, tŏng kum tơdroăng rêh ối ăm kuăn pơlê.