A rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên, rôh Kăch măng kơmăi kơmok rôh má pŭn po rơdêi, malối cho tơdroăng ‘na bán dẫn, hiâm mơno pôu râng, điê̆n toăn đám mây, internet kế tơmeăm ƀă hên ki ê cho kơvâ cheăng dế mơnhông rĕng, veăng gum ăm tơdroăng mơnhông tơdjuôm dêi rêm kong têa, tung mê ai Việt Nam.

 Tung tơnêi têa, Ngế pro xiâm hnê ngăn tơnêi têa ăm ‘nâi dế tơbleăng pro mâu tơdroăng, túa pơkâ, tung mê ai Pơkâ 57 dêi Khu xiâm pơkuâ tơdroăng kal kí ‘na mơnhông khoa hok, kong ngê̆, pơhlêh nếo tơmiât pêi rơkê ƀă pơhlêh kơxô̆ tơnêi têa, mâu Pơkâ dêi Kuô̆k hô̆i, chin phuh ƀă hên ki ê vâ mơdêk xúa khoa hok kong ngê̆, pơhlêh nếo tơmiât pêi rơkê, pơhlêh kơxô̆, mơdêk hriăn ngăn, mơjiâng pro hnê mâu ngế cheăng, xoăng mâu ngế cheăng, mơjiâng pro hngêi trăng, mơjiâng pro mâu túa pơkâ mơnhông.

Ngế pro xiâm hnê ngăn tơnêi têa pơkâ thế athế mơnhông tơƀrê tung kơvâ kơmăi kơmok bán dẫn. Ki xiâm cho vâ mơdêk mơnhông tung hơnăm kố cho 8,3-8,5% mê kơvâ kơmăi kơmok bán dẫn Việt Nam athế mơnhông, ai pơkuâ djâ, pro chiâng tơdroăng tơniăn dêi kơvâ cheăng.