A roh tơdah, Ngế pro xiâm hnê ngăn Chin phuh tối mơnhên mâu tơdroăng veăng kum dêi Khu rah chêh tơm xo rơkong ASEAN ƀă krê Kăn xiâm chêh tôm xo rơkong tung tơdroăng cheăng tơdjuôm dêi mâu kong têa ASEAN; phiu ro ƀă mơnê Kăn xiâm chêh tôm xo rơkong hiăng tơdah rơkong krếo veăng Hneăng hôp tơpui tơno tơdroăng la ngiâ ASEAN (AFF) roh apoăng châ tơkŭm po tiô troăng tơmiêt pêi rơkê dêi Việt Nam; tối rơdêi Việt Nam mơdoh hên chôu ăm troăng tơmiât pêi rơkê kố ƀă pói vâ AFF kô chiâng hneăng hôp tơpui tơno mâu troăng tơmiât pêi rơkê mơdêk tơrŭm cheăng kơpong, tơ’nôm ăm mâu hneăng hôp tơpui tơno, troăng ki păng ‘nâng dêi ASEAN, kum mơjiâng môi pơlê pơla ASEAN rŭm môi tuăn, mơ-eăm xêh ƀă mơnhông krá tơniăn.

Klăng roh kố, Ngế pro xiâm hnê ngăn tơnêi têa ƀă Kăn xiâm chêh tôm xo rơkong xuân tơpui tơno mâu tơdroăng tơdjâk ki ê tung tơrŭm cheăng ASEAN môi tiah mơdêk mâu tơdroăng mơ-eăm dêi Timor Leste rĕng chiâng khu tơrŭm cheăng ki tŭm dêi ASEAN, thăm mơdêk ivá dêi Khu rah chêh tôm xo rơkong ASEAN ing tơdroăng rah xo mâu khu xiâm ai ivá ing mâu kong têa, tung mê, ai Việt Nam.