Ngế pro xiâm hnê ngăn tơnêi têa pơkâ thế mâu kăn tơkŭm tăng ngăn tơdroăng tơbleăng mâu tơdroăng tơkêa bro, tăng ngăn tơdroăng tah xơpá, tơvâ tơvân tung pêi tơdroăng tơkêa bro, malối ‘na tơdroăng chêl thiăn liăn ‘mâi xĕn tơnêi hngêi trăng. Tâi tâng xua Tơnêi têa, kuăn pơlê, xua pro pơxúa dêi kuăn pơlê.

Ngế pro xiâm hnê ngăn tơnêi têa pơkâ thế rêm khu xiâm, kơvâ cheăng, kong pơlê tơrŭm rĕng pêi mâu tơdroăng tơkêa bro vâ rak tơniăn tơdroăng mơjiâng pro, rak tơniăn ‘na hyôh kong prâi, tơniăn ăm mơngế pêi cheăng. Mâu khu xiâm kơvâ cheăng, kong pơlê mơhnhôk khu cheăng kal kí, tăng mâu ngế, khu mơdró veăng tơbleăng pro tơmeăm khoăng ki kal dêi tơnêi têa, ki xiâm cho kơvâ pro troăng prôk, mê cho pro troăng kơxái on tơhrik 500 kV mach 3 Quảng Trạch - Phố Núi, mơhnhôk tơ’noăng pêi 500 hâi cheăng pê klêi pơkâ tung lâp tơnêi têa ai 3.000km troăng kân tơdrăng lĕm  hơnăm 2025.