Roh hôp tơkŭm tơpui tơno ‘na Hlá mơ-éa pơkâ tơbleăng mơnhên 5 hơnăm pêi pro Troăng pêi cheăng ton xŏn tung mơnhông cheăng kâ – rêh ối pơlê pơla hneăng hơnăm 2021 – 2030, troăng pêi la ngiâ, hnoăng cheăng mơnhông cheăng kâ – rêh ối pơlê pơla 5 hơnăm 2026 – 2030 (Tơbeăng Hlá mơ-éa).

Mơgêi roh hôp, pôa Phạm Minh Chính, Ngế pro xiâm hnê ngăn tơnêi têa, Kăn pơkuâ tối nhên, hnoăng cheăng dêi Khu hnê mơhno cho mơjiâng Tơbleăng 5 hơnăm pêi pro Troăng pêi ton xŏn mơnhông cheăng kâ – rêh ối pơlê pơla 10 hơnăm 2021 – 2030, Pơkâ pêi mơnhông cheăng kâ – rêh ối pơlê pơla 5 hơnăm, hneăng hơnăm 2026 – 2030 tơbleăng Hneăng hôp má XIV dêi Đảng; tơmeăm má mơ’nui rơtế ƀă Khu hnê mơhno cho Tơbleăng châ Hneăng hôp XIV dêi Đảng tơbleăng ăm pêi pro ƀă pơkâ ‘’Đảng môi tuăn, kuăn pơlê phiu ro, lâp plâi tơnêi kheăn kơdeăn hôm’’, mơjiâng tơdroăng ki phiu ro, mơhnhôk châ rêm ngế pêi cheăng, ivá vâ djâ tơnêi têa pin pơtối xông tơtêk, mơnhông rĕng ƀă krá tơniăn.