Drêng troh Têt tiô khôi hmâ dêi hdroâng mơngế - Rơnó hơngui Qúy Mão 2023 , kơxo lơ 27/1 ( tơkéa vâ tối hâi má 6  khế môi) pôa Phạm Minh Chính, Ngế pro xiâm hnê ngăn  Chin phuh hiăng chôu nháng tơbâ kơ Pôa Hồ Chí Minh Kăn xiâm hnê ngăn tơnêi têa hneăng hdrối  ƀă hlối veăng leh mơhnhôk Têt pêt loăng đi đo pâ mơnê kơ Pôa Hồ a kơpong tíu tơbâ K9- Đá Chông, Ba Vì, Hà Nội. A tíu tơbâ K9 - Đá Chông, Ngế pro xiâm hnê ngăn Chin phuh ƀă mâu kăn nhoăm pleăng reăng, chôu nháng tơbâ, mơhno tuăn hiâm mơnê hnoăng cheăng ki kân dêi Pôa Hồ Chí Minh, Kăn xiâm hnê ngăn tơnêi têa hneăng hdrối, Kăn xiâm ki rơkê dêi Đảng, Tơnêi têa ƀă kuăn pơlê Việt Nam; Ngế ki hiăng pleăng hnoăng cheăng tơná plâ rơxông ăm tơdroăng pro tơleăng lĕm hdroâng mơngế, tơplâ  pro hơniâp lĕm dêi kuăn pơlê Việt Nam ƀă lâp plâi tơnêi.

Ngế pro xiâm hnê ngăn tơnêi têa ƀă mâu kăn xiâm mơ-eăm hriâm ƀă pêi pro tiô troăng rơhlâ hiâm mơno, túa pêi cheăng dêi Pôa, veăng ‘no hnoăng mơjiâng tơnêi têa rế ton rế rơdêi, kuăn pơlê rế plâi tơtô hơniâp ro. Leh mơhnhôk Têt pêt loăng tung lâp tơnêi têa vâ tơbleăng pêi tơdroăng” xua môi Việt Nam ngiât tung hơnăm 2023 ƀă tơdroăng pơxá pêt nếo 22,5 rơtuh xiâm loăng ngiât.