Tơbleăng mơgêi hâi pêi cheăng, pôa Phạm Minh Chính - Ngế pro xiâm hnê ngăn Chin phuh khĕn kơdeăn tơdroăng tối tơbleăng tŭm dêi kong pơlê ƀă mâu tơdroăng hnê tối tơbleăng tơdrăng, tá tuăn hiâm, tá hnoăng cheăng pêi ai tŭm tung pêi pro dêi mâu kăn rêm khu xiâm, kơvâ cheăng.

Ngế pro xiâm hnê ngăn pơkâ athế Tiền Giang tơmâng pêi tro tiô troăng dêi Đảng, Luât dêi tơnêi têa, tơbleăng pêi tơƀrê mâu pơkâ, mơdêk pêi pái tơdroăng pê klêi mâu pơkâ mơnhông cheăng kâ dêi kong pơlê. Ngế pro xiâm hnê ngăn tối nhên hnoăng cheăng pêi, troăng rơhlâ ki kal  tung la ngiâ, tung mê tối nhên, kong pơlê thâ pơkâ, tơkŭm po tơbleăng tơdâng, kơtăng, pêi tơƀrê pơkâ kong pơlê Tiền Giang pơla hơnăm 2021-2030 ƀă mâu tơdroăng vâ pêi troh hơnăm 2050; tơkŭm po hôp, hnê tối trâu rơdâ troh mâu khu râ tung kuăn pơlê dêi kong pơlê, vâ tơ’lêi tung tơbleăng pêi.