Ngế pro xiâm hnê ngăn tơnêi têa mơnhên tối khât tơdroăng ki veăng gum dêi ADB ăm tơdroăng mơnhông cheăng kâ rêh ối pơlê pơla dêi Việt Nam tung lối pái chât hơnăm hdrối, malối cho tơdroăng tơrŭm tung mâu tơdroăng tơkêa môi tiah Tơkêa Mơjiâng pro hngêi trăng, troăng klông tro hmâ ƀă kong prâi pro pơhlêh a Quảng Trị ƀă Phú Yên.

Việt Nam dế pro pái tơdroăng ki mơnhông tơƀrê tung la ngiâ, tung mê, ai troăng prôk ƀă on tơhrik. Ngế pro xiâm hnê ngăn tơnêi têa pơkâ thế ADB pơtối tŏng gum ăm mâu tơdroăng tơkêa pro ki kân, tung mê, ai troăng kân peăng Kơnhŏng – peăng Hdroh, mâu tơdroăng tơkêa pro on tơhrik vêh pro, ƀă kế tơmeăm xúa tung hnê hriâm, khăm pơlât, khoa hok, kong ngê̆.