Tối tơbleăng a rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên, pơkâ thế pêi nhên tâi tâng troăng hơlâ, dêi Đảng a mâu pơkâ, tơpui mơgêi, hnê tối, hnê mơhno dêi tíu xiâm, Khu xiâm kal kí, kăn hnê ngăn Đảng, achê kố cho Pơkâ 59 dêi Khu xiâm kal kí ‘na tơrŭm cheăng lâp plâi tơnêi tung tơdroăng rêh ối nếo; pơkâ kal thế pêi pro,  môi tiah tơplâ, thế nhên, tối tơbleăng thế pêi hlối. 

Pôa Phạm Minh Chính pơkâ thế hnê tối ăm i hlê plĕng pơ’lêh rơdêi  tung tơdroăng cheăng tơpui kâ, pơxúa ăm tơnêi têa, hdroâng kuăn ngo, ki pơxúa ăm kuăn pơlê, veăng rak tơniăn, hnoăng pơkuâ, tơrŭm môi ƀă tâi tâng tung lâp tơnêi têa, mơnhông tơnêi têa, tơniăn tơdroăng tung tơnêi têa, tơdroăng kuăn pơlê, pơkâ mơ’nui xuân cho kuăn pơlê thăm rế phâi hơtô, hơniâp ro.