Ing tơdroăng tối tơbleăng ƀă hnê tối tung hlá mơ-éa tơpui tối dêi Ngế cheăng tung Khu kăn pơkuâ hnê ngăn Đảng, mơgêi rôh hôp, pôa Tô Lâm, Kăn xiâm pơkuâ hnê ngăn Đảng tối nhên, pơkâ thế mơdêk  tơdroăng pêi pro xúa kơxô̆ tung tơdroăng cheăng khoa hok kŏng ngê̆ tung tơmâng xo mâu tơdroăng veăng hnê tối, mâu khu pơkuâ cheăng châ xoăng hnoăng cheăng pêi xuân kal pêi tro tơdroăng tơkŭm tâi tâng tơniăn chêh ‘mot mâu tơdroăng ki tro kuăn pơlê veăng hnê tối, tơbleăng ăm Kuô̆k hô̆i séa ngăn ƀă pơkâ.

Tơdjâk troh mâu tơdroăng ‘na pêi pro tiô Pơkâ 18 dêi Tíu xiâm tơnêi têa ‘na pơtối pơ’lêh nếo, xing xoăng pro rế lĕm, rế iâ mơngế pêi cheăng ăm tơnêi têa mâu ngế cheăng kal kí, pêi cheăng tơƀrê,  Kăn pơkuâ hnê ngăn Đảng pơkâ thế, Chin phuh ƀă mâu khu xiâm, kơvâ cheăng ki tơdjâk troh tơkŭm xing xoăng râ, xoăng hnoăng cheăng vâ tung pơla tơbleăng pêi  kô tơkŭm pêi nhên thâ rĕng klêi thế pơ’lêh hlá mơ-éa chêh ‘na tuăn tơmiât vâ mâu kong pơlê tơbleăng pêi vâ tá khu ki pêi cheăng ing Tíu xiâm troh kong pơlê tơring cheăm pêi tro ƀă hnoăng cheăng ki hiăng pơcháu.