Tơbleăng a hneăng hôp, pôa Phạm Minh Chính - Ngế pro xiâm hnê ngăn tơnêi têa tối nhên “3 rơtế ƀă’’. Rơtế hmâng ƀă hlê, rơtế tối ăm ‘nâi ƀă hvái ngăn, hlê hlối pêi; rơtế pêi, rơtế xúa, rơtế ƀlêi ƀă mơhông tơƀrê. Tơdroăng kố đi đo tro drêng tơbleăng mâu khu mơdró, khu tơrŭm cheăng, kuăn pơlê.

Ngế pro xiâm hnê ngăn tơnêi têa tối nhên, thế séa ngăn nếo, ‘nâi plĕng tơdroăng tung lâp plâi tơnêi ƀă tung kơpong vâ ‘mâi mơnhông tăng kơchơ tê mơdró, tơkâ luâ tơdroăng tro lŭp, mâu tơdroăng ki mâu kong têa dế kal, mơ-eăm pêi vâ tơkâ luâ ki mung hdrối, tơdroăng pêi pro tung lâp plâi tơnêi ƀă tơdroăng mơdêk, ‘mâi mơnhông inâi, tơƀrê tơmeăm pêi lo, mơnhông têa mơdró ngiât, mơdêk kơxô̆; tơrŭm krá pơla tung tơnêi têa ƀă kong têa ê, tơrŭm pơla mâu khu xiâm, kơvâ cheăng ƀă dêi rơpó, tơrŭm pơla Tơnêi têa ƀă khu mơdró, kuăn pơlê ing tơdroăng pơxúa tơtro, tâng trâm pá veăng kum dêi rơpó.