Hneăng hôp châ tơkŭm po mơ’no tơdrêng tiô troăng hyôh a Tíu pêi cheăng Chin phuh ƀă tíu mơ’no a 9 to kong pơlê ai tơdroăng tơkêa pro tơkâ luâ. A hneăng hôp, kăn xiâm, kơvâ cheăng, kong pơlê, tíu pêi cheăng tơdjâk troh tối tơbleăng pêi tơdroăng tơkêa bro; tối ki xơpá, tơvâ tơvân; tối mâu tơdroăng cheăng, troăng rơhlâ vâ mâu tơdroăng tơkêa bro châ tơbleăng pêi tơ’lêi tâ.

Tối mơgêi a hneăng hôp, pôa Phạm Minh Chính - Ngế pro xiâm hnê ngăn tơnêi têa tối nhên, mâu kơ koan kong pơlê, tíu pêi cheăng tơrŭm krá ƀă dêi rơpó ƀă kuăn pơlê, khu mơdró, xúa vâ pro pơxúa tơdjuôm, ví tơvâ tơvân, ki ôh tá tro, lơ kâ kơluâ tung pơla pêi tơdroăng tơkêa bro, ing tơdroăng “Tơmâng, tối ăm ‘nâi pêi pro’’, “rơtế pêi, rơtế ƀlêi ƀă rơtế xúa”.

Mâu kong pơlê thâ bu tơbăng tơnêi tíu chêl thiăn liăn, pơcháu tíu mơjiâng pro vâ Khu ‘no liăn pro, hnhâng kơxái tâp trăng, thâ xĕn kuăn pơlê lăm ối tíu ê ƀă pơtối pro pơlê nếo ăm mâu rơpŏng ki xĕn ối tíu ê, tơniăn tíu vâ tâp trăng hnhâng kơxái on tơhrik tung khế 6/2024.

-Pôa Phạm Minh Chính Ngế pro xiâm hnê ngăn tơnêi têa pơkuâ hneăng hôp