Tung pơla sap hơnăm 2021 troh tâi hơnăm 2023 lâp tơnêi têa ai 499 tơdroăng tơkêa pro hngêi ối ăm mâu kơtiê châ tơbleăng pro 411.250 toăng hngêi. ‘Na pơkâ, xoăng liăn ‘măn kơdĭng tơnêi mơnhông pro hngêi ối ăm mâu kơtiê, lâp tơnêi têa nôkố hiăng pơkâ pro 1.316 kơpong tơnêi ƀă 8.611 ha pro hngêi ối ăm kuăn pơlê, tâk 5.252ha tâng vâ pơchông ƀă hơnăm 2020.

Tối mơdêi a hneăng hôp, pôa Pham Minh Chính - Ngế pro xiâm hnê ngăn tơnêi têa tối mơnhông pro hngêi ối ăm kuăn pơlê kơtiê, hngêi ối ăm mâu kŏng nhân cho môi tơdroăng ki kal dêi mâu luât pơkâ tŏng kum mơnhông cheăng kâ - rêh ối. Pro hên hngêi ối, tung mê ai hngêi ối ăm mâu kơtiê, hngêi ối ăm mâu kŏng nhân cho tơdroăng ki kal tung mâu luât pơkâ tŏng kum mơnhông cheăng kâ-rêh ối.  

Mơdêk pro hngêi ối, tung mê ai hngêi ối ăm mâu ngế kơtiê, mơngế pê lo liăn iâ, hngêi ối ăm mâu kŏng nhân cho hnoăng cheăng pêi dêi Tơnêi têa, dêi kuăn pơlê pơla ƀă dêi kuăn pơlê. Ngế pro xiâm hnê ngăn tơnêi têa pơkâ thế, Khu xiâm Kŏng an, Khu xiâm pơkuâ ngăn lêng gak tơkăng kong mơ-eăm tung hơnăm 2024, rêm Khu pêi 5 rơpâu toăng hngêi ối ăm mâu kơtiê; Tổng Liên đoân Lao đong Việt Nam mơ-eăm tung hơnăm 2024 pro 2 rơpâu toăng hngêi ối ăm mâu kơtiê.