Ing apoăng hơnăm 2024, Chin phuh hiăng po 02 rôh hôp, séa ngăn, ăm rơkong tơpui tối ƀă 14 kơxop hlá mơéa luât, luât pơkâ, tơdroăng pơkâ. Hnoăng cheăng mơjiâng, pơkâ luât rế hía rế châ pêi pro tro, rơkê, hơ’lêh nếo ƀă tơƀrê tâ.

Rơtế ƀă mơjiâng mâu luât, mâu khu xiâm, kơvâ cheăng, Ngế pro xiâm hnê ngăn tơnêi têa pơkâ thế kal tơkŭm mơjiâng mâu tơdroăng pơkâ, hlá mơ-éa vâ pêi pro hơ’lêh mâu luât ‘na tơnêi tơníu, hngêi trăng, hngêi ối, ăm mung liăn, mơ-eăm pêi klêi tung khế 5/2024 vâ tơbleăng tơdrêng ăm ngế ki ai hnoăng pơkuâ, rĕng tơbleăng tơkŭm tuăn ngoâ, pơtối hơ’lêh nếo.

Klêi mê, pơchuât tơbleăng, ‘nâng ‘nâi, nhên, tơdrăng tung tơdroăng ki kal; tơkŭm tơpui tơno ‘na mâu tơdroăng ki kal, ki ối tơvâ tơvân, ki kal, ối ai rơkong tơpui tối pơrá phá dêi rơpó kal tơpui tơno, pâ rơkong tơpui ƀă Chin phuh, rak tơniăn tơdroăng, rơkê dêi Rôh hôp.