Tối tơbleăng a kố Ngế pro xiâm hnê ngăn tơnêi têa tối nhên tuăn tơmiât thế rơkê, mơ-eăm thế pêi kơtăng, pêi tơdroăng ki lâi klêi tơdroăng ki mê, pêi thế ngăn nhên ƀă tơkŭm pêi tơdroăng tơkêa bro troăng kân. Ngế pro xiâm hnê ngăn tơnêi têa khĕn kơdeăn khu xiâm ngăn troăng prôk, 9 to kong pơlê pơlê kong kân tơbăng kroăng Cửu Long tơdjâk troh troăng ki prôk tơkâ luâ hiăng  mơ-eăm pêi khât.

Pakĭng mê, Ngế pro xiâm hnê ngăn tơnêi têa pơkâ thế mơdêk tăng mâu kăn ƀô̆, mơdêk hlê plĕng tơdroăng cheăng dêi kăn ƀô̆ vâ hriâm ing dêi rơpó, xúa khoa hok kơmăi kơmok ki dâi lĕm má môi tung mơjiâng pro. Ngế pro xiâm hnê ngăn tơnêi têa pơkâ thế mâu kong pơlê ki ai troăng kân lĕm tơkâ luâ malối tung pơla dế mơjiâng pro thế mơdoh hâi chôu ối ‘nâi tơpui tơno hnê dêi rơpó ‘nâi mâu tơdroăng pêi cheăng, rơtế ing mê mơhnhôk tăng liăn, mơngế veăng pêi ing kuăn pơlê.